zurück zur Hauptseite
|
Mein Mann is auf Kur, gaunz ruich kumts ma vur. Ka meckern, ka Streit, mei Mann is sehr weit. Bei Linz is er gor, gaunz ruich kumts ma vor. Mei Mann is a braver Maun, der wirklich olles kaun. Er kaun kochen, nah`n und Radl pick`n, wenn i ihm`s zag, kaun er sogor strick`n. Doch leider, er ist nicht gegenwärtig, owa i wir scho mit meiner Orbeit fertig. Er is jo bei Linz auf Kur, gaunz ruich kumts ma vur. Do sigst erst wie guat du`s host, wenn`s da von dein Maun wos lernen loß! Wie stangat i jetzt do, mir gangat echt mei Manderl o. Hätt i net olles g`lernt von ihm, i wa zwunga, daß i ma an Putzmau nimm. Bei mir is jetzt aunders, er is jo auf Kur, auf amol kumts mir gaunz aunders vur. Aber nur keine Bange, des bisserl Orbeit schoff i scho lange. Wos hat a Hausfrau schon zu tun, derweil er orbeit, kaun sie ruhn. Die Wäsch woscht sich von gaunz alla, den Staub frißt mein Sauger a. Bügeln,putzen, Kinder griagn und koch`n, muaß da Frau doch Freude moch`. Die Kinder hom Ferien, si san daham, und g`frein si, weil die Eltern net streit`n tan. An Zipp auswechseln, des kaun i jetzt a, wos glaubt`s, wir i trenn, ratter und nah. Wenn`s er mir net glernt hätt, mei Gott bin i froh, mir gangat jetzt wirklich mei Manderl o. Wissen`s, mei Maun is auf Kur, gaunz ruich kumts ma vur. Oft sogt er,wos mocht`s ihr waun i net wa, do sog i erm ehrlich, es wär a aunderer da. Des hör i sonst täglich, auf amoi is aus, in drei Woch`n kumt`s Manderl z`Haus. Do is aus mit der heiligen Ruah, Do stopf i ma wieder die Ohr`n mit Watte zua. I waß net, hob i scho g`sogt? Mei Maun is auf Kur, mir geht ollweil wos o, gaunz ruich kumts ma vur. |
Aus dem 2. Teil
Heiteres und Ernstes aus dem Leben